الأم
دنيا جوه الدنيا
وروح بتديك روح
لجل تعيش
راحه الي جوه قلبك سببها هي
وانك مطمن بس بمجرد وجودها هي
الحاجه الوحيده الي عمرها ما تخزلك هي
والي هتلاقي حب وامان معجون بطيبه هي
الي ديما فكراك ومش ناسيه دنيتك ولازم تجيب ايه ولازم تصحي ولازم ولازم هي
الي دعاها معاك في كل خطوه
عارف ربنا سترها ليه
بردو هي
هي الي بتقعد معاها صبح تشوف ضحكتها تحس ان الحياه حلوه وبسيطه
ضحكتها هي ...
الي بتخفف عنك إلمك ووجوعك والي ديما شايله همك هي ...
الي بتدعيلك صبح وليل والي وانت نازل تدعيلك وتطلع من بلاكونه وتكمل دعاه وهي شايفاك قدامها هتوصل لاخر الشارع وهي لسه بتدعي وهتدخل تكمل دعاه ليك ومش هتبطل عادتها هي ...
الي ربنا بيكرمك ويسترها معاك بسبب دعائها هي
هي الي روحها بتديلك طاقه ايجابيه وتنسيك هموم الدنيا هي
الي لو لفيت الدنيا ماهتلاقي في حنيتها ولا قلبها الملهوف عليك لأن ببساطه انت الاهم بالنسبالها هي
هي حياه بتعيش بيها و ليها
هي ركن الراحه الاول وبير أسرارك و بيتك الدافي
الي مليان حب وخير وامان
هي الي تسد عيون الدنيا جمال
هي نظره أمل في بكره
هي سند مهما كبرت
بيفضل حضنها أول حاجه تفكر فيها عشان ترتاح
طبطبتها عليك بتهون عليك
الدنيا كلها
#زاد
الي انت عايش في خيرها وكرمها وطيبتها وحنيتها
ودعاها هي أمك
أمك كنز وكرم وفضل من ربنا عليك
لازم تخلي بالك من كنزك وتحافظ عليه
الام كيان 💛✋🏻
أقسام المٌدونة
