شرح شركات التدريب الصيفى تانية عمارة م/عبدو كامل

بقلم  م/عبدو كامل
للتواصل اضغط هنا 

سلام عليكم ..
 بخصوص التدريب الصيفى و نظرا ان فيه بعض اللغبطه ف باختصار هقول نبذه صغيره عن كل شركه مع العلم ان دى وجهات نظر بتختلف من واحد للتانى حسب تجربته الشخصيه فمتعتمدش اعتماد كلى على كلام حد ... لكن اعرف كل الاراء من اكتر من حد و قرر ف الاخر

شركة ECG و كانت تجربتى الشخصيه السنه اللى فاتت مع الشركه دى ...رخمه شويه و شديده والتقدير فيها مش سهل تجيبه ..البرنامج بتاعها كويس الى حد ما لكن كان فيه سوء تنظيم جدااا و بعض الاهمال لدرجة ان احنا كنا واخدنها فتره اولى و خلصنا بعد اللى كانوا مسجلين فتره رابعه ف شركات تانيه بسبب التأجيلات و سوء التنظيم مما ادى ان السنادى كتير مننا مش هيسجلوا فيها ... بتاخد فيها غالبا جرين و عماره خضرا مع كورس و ليكن ريفيت

شركة المقاولين .. تقريبا الاغلبيه بيجيبوا فيها A+ بسهوله لكن من اراء الناس اللى راحت فيها ان المواقع ما هى الا محاضرات انت خدتها ف الكليه فى البيلدنج و ما شابه ذلك بالاضافه لكورس فى شركة المتحده او شركة جيليكوم بيكون مكمل ليها ... شركة المتحده افضل من جيليكوم .. و بالمجمل العام للمقاولين و الشركة المكمله ليها سواء دى او دى كان فيه بعض سوء التنظيم

شركة INFINITY .. و دى خاصه بمجال تصميم الواجهات فقط و كانت كويسه الى حد ما لكن مش هتفيدك ف اى حاجه بره المجال ده فقدر الاستفاده هيبقى مقتصر على حاجه واحده بس

شركة سما .. مكنتش موجوده السنه اللى فاتت لكن واضح من البرنامج بتاعها انها كويسه الا حد ما

مما سبق نستنتج ان تقريبا التدريب مش هيديك الافاده اللى انت هتبقى مستنيها و خلينا متفقين ان اسبوع او اسبوعين او حتى تلاته مش وقت كافى انك تبقى قوى ف كورس من الكورسات زى الريفيت او الماكس او خلاف ذلك ... لكن هتبقى عارف البدايات و القشور مش اكتر ... و قدر الاستفاده من التدريب يكاد يكون 50 % .. بمعنى اصح انت بتشترى تقدير ... لكن عايز تستفيد صح و يكون قدر الاستفاده 100 % .. فكر ف حاجه ليك انت بعيد عن تدريب الكليه اللى وقته قليل ... فكر ف حاجه و مكان كويس تقدر تستفيد منه الافاده الكامله و الصح و تتعلم منه حاجه فعلا سواء ف نزول المواقع اللى فعلا يفيدك او ف كورس من الكورسات تبقى متقن فيه بنسبة كبيره جدا ..
و ربنا معانا و معاكوا
 و بالتوفيق ف اخر امتحان ان شاء الله قبل نهاية مسيرة سنه تالته

أقسام المٌدونة