مؤسس المٌدونة المهندس أسعد عليو

انا م/ اسعد عليو كنت دبلوم فنى صنايع خمس سنين وكملت هندسها بعدها مٌهندس معمارى ومٌؤسس فريق يوكان
بوست طويل شوية بس هتعرفوا المعاناه من خلاله اللى مريت بيها ف الدراسة حبيت اشاركها معاكم
ظروف الحياه معاك ام ضدك ؟؟
ظروف البلد صعبه والظروف الاجتماعيه صعبه وفى عقبات كتيييير تخلينا متغيرشى ولا ننجح انا عارف ان فى ناس كتير جدا بتقول الكلام دا .
قبل ما اجاوبك عايزك تجاوبنى على سؤالى دا 
مين من الشخصيات الناجحه على مر التاريخ كانت ظروف البلد والاجتماعيه ساعدته ؟
فكر شويه كدا او ابحث وجاوب
- الانبياء
لم اعلم عن نبى كانت ظروف البلد او الاجتماعيه ساعدته فى نجاحه وتبليغ رساله الله وتعالى اديك مثال فى السريع ( سيدنا موسى - سيدنا يوسف - سيدنا عيسى - سيدنا محمد ) ابحث فى قصص الانبياء دول هتلاقى ان كل نبى فيهم البلد والظروف الاجتماعيه وقفه جانبه او ساعدته
يا عم دول انبياء انما احنا ناس عاديه !!! مع ان الانبياء دول بشر وبيمرو نفس اللى بتمر به بس ماشى خليك معايا
- قصص نجاح
اكيد عايز تعرف ناس زيك ظروفهم كانت صعبه وكانو عايشين فى ازمات وتحديات ومستسلموش لظروف الحياه والبيئه الاجتماعيه زيك وجلسو وحطو ايديهم على خدهم خد عندك يا سيدى ( كنتاكى - توماس ايدسون - اوبرا ويفير - مارى كورى - هوندا - انيشتاين - جوجل )
تعرف ان ظروف البلد لبعض الناس دى كانت حرب بلادهم فى حاله حرب والحرب مستهم وفيهم اللى نام فى الشارع واللى كان بيموت من البرد وقله الاكل واللى مكنشى بيعرف يتكلم وهو سنه 10 سنين وفيهم اللى اطرد من المدرسه لغباءه
يا ترى انت بقا عايش زى ما الناس دى عاشت ؟؟؟؟
تعرف ان البنتين اللى ذكرتهم نامو فى الشارع وفيهم اللى قابل الاضهاد العنصرى بسبب البشره السمرا ( اوبرا )
تعرف ان مارى مكنشى عندها هدوم غير لبس بسيط تبات به ولبس تروح به الكليه وكانت عايشه غرفه على السطوح زى ما بنقول ومكنتشى بتاكل بالاسبوع ويوم كانت بتاكل كانت بتشرب شربه !!!!!!!!
مصدقنى صح ؟؟!!!
اقراء فى قصصهم وانت تعرف مين الناس دى وعملت ايه وظروفهم ايه
ملخص الكلام
ان ظروف البلد والاجتماعيه ممكن تكون عامل مساعد للنجاح ولكن لا يتعلق النجاح بيها لانك ممكن تنجح باقل الامكانيات وتكبر بها
تعرف فى ظروف بلدنا دى اعرف ناس بتنجح حاليا وبتحقق اهدفها وانت بتقراء الكلام دا الناس دى بتحقق انجازات . مش شرط لازم تسمع عنهم لكن فى ناس فى اصعب الظروف بتنجح . وعلفكره النجاح مش لازم يكون فلوس او سلطه وان يكون معاك عربيه وعندك فيلا وتكون صاحب شركات ومصانع النجاح اكبر من كدا بكتير
- اصنع اهداف لنفسك واسعى اللى تحقيقها ولا تيأس وبطل تكون سلبى ارتقى بعقلك وبافكارك وصدقنى هتوصل مهما كانت ظروفك
حاجه اخيره
كمختصر بسيط هقلكم ع المعاناه ف سطور بسيطة انا ك اسعد اتبهدلت كتيير ف دراستى ف هندسة...
البداية زى اى حد جاتلة بطاقة ترشيح بكلية هندسة وقدمت وبدءت دراستى عادى وبعد دراسة ترم درست ترم كامل ف اول سنة فوجئت ان التنسيق بعد ترم كامل بيقلى انك انت موش ف هندسة كانت الصدمة ...السبب قال ف تعديل ف نسب مئوية للكليات...
بعد خروجى من هندسة قلولى لازم تقدم ف كلية تانية عشان تنسيق ف التنسيق جا بنى ف كلية تجارة قسم محاسبة مكنتش فاهم تجاره دى بتاعت اية لانى مكنتش مهتم بتفاصيل كليات دى وبدءت دراسة منها ف ترم تانى وزاكرت وكنت من الناس اللى بتجيب درجات عالية فيها 😂 قلت لنفسى طالماوطلعت من هندسة لازم اكون حاجة كبيرة ف تجارة
بس ربنا كرم وبعد ما خلصت الترم تانى ف تجارة وقتها والدى اثبت انى ف هندسة ورجعت من بداية سنة 😂😂😂
الانسان مؤمن وطالما قريب من ربنا لازم يعرف ان كل شىء هما كلمتين دايما معاى قضاء وقدر والحمد لله بس دول دايما ملازمينى ودا كرم من ربنا موش هقلك انا شجاع وبطل وكلام دا بس دا لطف من ربنا والحمد لله
وبعد ما ا ثبت نفسى انى ف الكلية ومعاى بطاقة الترشيح والحمد لله اثبت كدا بس كانت السنة راحت عليا ما يأستش والا حاجة كملت ودرست من جديد ولقيت معاناه تانى لاننى كنت دبلوم صناعى خمس سنين والمعاناه اللى لقيتها ف الكلية ان ف مواد فيزيا وكيميا واستاتيكا ورياضة .... الخ بتدرس بالانجليزى وانا مادرستش المواد دى قبل كدا والا قريت عنها بالعربى ف مابالك الدراسة كانت عندى بالانجليزى صعب كتيييير تتخيل ,,, بدأ اركز واشتغل ع نفسى جبت كتب ثانوى عامة التلات سنين وبدءت ازاكر فيهم بالاضافة للكيلة ,, والمفاجأة كمان اكتر انى بدء ت اتعلم انجليزى لانى وقتها مكنتش اعرف بس عدت االايام الصعبة ودلوقتى الحمد للة بقيت ف 4 هندسة تخصص معمارى دا مثال واقعى حبيت اشاركه معاكم
انا دايما من زمان بحاول اوصل او اساعد ناس ف حياتهم وخوصوصا ع سوشال ميديا بدءت انشر ع ما يكون بوستات عن الايجابيات لانى مقتنع ان كلمة ليها تأثير ع الانسان بدءت ع الاكونت عندى
ASaad Ahmed Alio
لغاية ما بدأت وعملت اكونت ب اسم فريق يوكان وكمان وخدمة الواتس والحمد لله ف ناس كتيير وصلت حجات كتيير واتغيرت ودايا بعرفهم من رسايل اللى بيبعتوها ليا ويشكرونى فعلا شكرا ليكم انتوا الحاجة الحلوة اللى بتشجعنى ع مساعدة ناس لما بلاقى نتيجة وان شاء الله من خلال صفحتى والاكونت بتاعى هتلاقوا حجات كتيير تفيدكم بساعد من خلالهم لان النجاح انك تساعد الناس للوصول للنجاح وانت كمان فى ايدك انك تكون زى وافضل منى لو انت عايز
ها قررت ايه ؟؟؟؟؟
عافر،ايحث،تعلم ،تطور، فكر،ابدع ، ف النهاية ستصل لحلمك ،، 💪💃✌
......................................................
#متنساش👈 تشترك ف خدمة رسائلنا ع واتس ابعت رسالة فيها اشترك ع رقم
01009776439 وانضم ل 1700 مشترك

🍃

#أسعد_عليو

#Eng_AS🌹

🍃🍃