انا زهقت من المذاكرة قولى اعمل ايه

انا زهقت من المذاكرة قولى اعمل ايه ....خلينى اقولك على حقيقة انت مزهقتش من المذاكرة انت زهقت من اسلوب المذاكرة 
كل يوم نفس الروتين نفس الطريقة مفيش انجاز بالتالى شئ طبيعي الشعور بالملل والاحباط 
ادينى مثال 
انا زهقت من اكل البيت كل يوم نفس الاسلوب نفس الطريقة وياسلام لو نفس الاكله 
كل يوم نفطر فول
السؤال هل انت زهقت من الاكل ومش هتاكل تانى
ولا زهقت من الطريقة اللى بيتقدم لك بيها الاكل
طيب والحل
التجديد
بتروح اى مطعم حتى لو كان مطعم الحاج تلوث وبتاكل سندوتش الكبده ابو جنيه وانت راضي ومبسوط
لانك شايف ناس كتير حواليك بتاكل زيك
طيب وبالنسبة للمذاكرة
بيحصل فيها نفس النظام
التجديد بيكون له دور فعال
متقعدش كل يوم على نفس المكتب اللى انت اتعودت على الاحباط من كترة جلوسك عليه جرب التجديد
تانى حاجة لما تجدد شوف اللى يشجعك اهلك اخوك
حاول تشوف اكبر منك يشجعك
 ف اعدادى كان بيشجعنى ابن عمى هو كان ف جامعة وانا كنت ف الشهادة الاعدادية وكنا نسهر نذاكر مع بعض
اهدافك وطموحاتك تستاهل الاصرار
شجع نفسك انت اهم بالنسبالك
#You_Can
#صدق_نفسك_تتصدق
#انت_السر_والمبدآ
#Eng_AS