البوست ده عشان الامتحانات فركزو بقي كفايه الزنقه السودا اللي احنا فيها

البوست ده عشان الامتحانات فركزو بقي كفايه الزنقه السودا اللي احنا فيها  😂 😂 خلاصه الرغي الكتير هما ١٠ حاجات تعملهم 

١- الدافع من المذاكره : انا بذاكر عشان اعدي صافي ده بالنسبه للناس اللي مفتحتش الكتب ،ام الناس الدحيحه فبذاكر عشان احقق هدفي .
٢٢- لما اجي ابدا مذاكره اختار مكان مناسب ومنظم ممنوع (السرير ) عشان هتنام ومش هتصحي ولو فضلنا نايمين كدا هنسقط ونروح في داهيه  😂 وبلاش جو اريح شويه واقوم اكمل انت مذاكرتش اصلا عشان تكمل فخليكو جدعين كدا واقعدو شويه علي الكتاب . 
٣- نعنش نفسك ورش برفان كدا وده عشان ترتبط المعلومات اللي بتذاكرها بريحه معينه تفتكرها في الامتحان واقعد كدا استريح وابدا استغفر ٣ مرات وصلي علي النبي ١٠ مرات وجدد نيه المذاكره .
٤- قبل ماتذاكر امضغ لبان لمده خمس دقايق بيساعد علي التركيز والاستيعاب بسرعه .
٥- اختار الوقت المناسب  لعقلك يعني ناس بتحب تذاكر الفجر عشان بتنجز اكتر وناس بتحب تذاكر بليل وتسهر ،شوف الوقت المناسب وذاكر فيه .
٦٦- قسم المواد بطريقه بسيطه عشان متحسش ان في حمل كتير هو وش في بلاوي سودا بس نقسمهم عشان كل ما ننجز حزئيه ده يحفزنا فاننا ننجز الباقي . 
٧- قسم وقتك هتذاكر ٣٥ دقيقه بس وتفصل ب٥ دقايق وترجع تاني ٣٥ دقيقه بتركيز افضل من ٦٦ ساعات من غير .
٨٨- ابعد عن اي مشتتات اقفل موبيلاتك ووتاباتك وابعد عن اخواتك واقفل باب اوضتك واستفرض بالكتب بقي كانك عايش لوحدك في كوكب المريخ وبتكتشف كام حفره هناك .
و جيب نوت صغيره  واكتب اي حاجه بتفكر فيها وانت بتذاكر عشان متشتتش تفكيرك في حاجتين فلما تكتبها هتريح نفسك . 
٩- ازاي نحفظ بذكاء قدامك ٣ طرق 
أ- طريقه الخرايط الذهنيه دي لو الماده تقيله ورخمه .
ب- طريقه التلخيص امسك الماده اقراها وطلع الزتونه بتاعتها في ٦او٧ ورقات تذاكرهم قبل اللجنه الصبح . 
ج- اشرح لغيرك تقمص دور المدرس واشرح لاصحابك منها انت تفهم الماده ومنها تاخد ثواب  😉 
١٠٠- بلاش منبهات كتير ركز علي العصاير الفريش او القرفه او النعناع عشان عقلك محتاج طاقه للتركيز والاستيعاب اكتر . 
 واخيرا الصلاه علي النبي وتجديد النيه هي اللي هتظبط الدنيا معانا . واهم حاجه العشم في الله انه مش هيخذلك حتي وانت مش مذاكر بردو عشان ربنا رؤوف بعباده  ❤ 
ربنا يوفقكو جميعااا